اسلام آباد۔ 30نومبر (اے پی پی) بنجائی وزیر بین الاصوبائی رابطہ میاں ریاض حسین پیر زادہ پارینے کہ دہشت گرد آک درملکی پیسہ ہلسا امن ئِ بھس کننگ ئُ و جنرل راحیل شریف پاکستان مسلم لیگ (ن) نا حکومت نا پشت پناہی و پبی سپورٹ آن آپریشن ضرب عضب ئِ سرسہب و ملک انا امن نا اڈتننگ ئِ باوری جوڑ کرینے۔ احوالکارآتون ہیت وگپ کرسا اوپارے کہ ننا فوج دنیا نا مون آ ثابت کرینے کہ پاک فوج دلیر و شیر انگا ورناتا فوج ئِ۔ اوپارے کہ بھارت دنیا نا توجوہ ئِ کشمیر نا ویل آن اسہ کنڈ کننگ کن لین آف کنٹرول و ورکنگ باﺅنڈری آ بیدادی کننگ ئِ ہرانا پاک فوج پبی ورندی ئِ ایتک۔ اوپارے کہ دنیا کشمیر نا ویل و مقبوضہ کشمیر اٹی بھارتی بیدادی آ چپ ئِ ولے پاکستانی حکومت ، الس و عسکری سروک جانی نسخان آ چپ سلنگ کپک۔ بنجائی وزیر پارے کہ ہندا سوب ئِ کہ ساڑی آ حکومت کشمیر نا ویل ئِ مچ آ دنیا ٹی تالان کرینے۔ اوپارے کہ کشمیر نا ویل آ دنیا ہنداخاطران چپ ئِ کہ سلہہ و مذہب نا کاروبار ئِ کرسا پیسہ کٹنگ ئِ۔ اوپارے کہ اسہ دے اس بھارتی بیدادی چٹک و کشمیر نا ویل انا ایسری ہی آن ڈیہہ ٹی امن اڈ ہلیک۔
