اسلام آباد۔ 29نومبر (اے پی پی) پاکستان مسلم لیگ (ن) نا راہشون جارج خلیل پارینے کہ جنرل راحیل شریف نا سروکی نا دور ئِ سنہری لوز آتیٹی نوشتہ کننگک۔ احوالکار آتون ہیت وگپ کرسا اوپارے کہ جنرل راحیل شریف تینا سروکی نا دور اٹی مشکل فیصلہ غاتے دانشمندی اٹ کرے و پاک فوج تینا جان تا نذرانہ ئِ پیش کرسا ملک ئِ دہشت گردی آن پاک کرینو۔ اوپارے کہ قوم جنرل راحیل شریف نا سروکی نادور ئِ خراج تحسین پیش کیک و اونا خذمت آتے تاریخ نا سنہری لوز آتیٹی نوشتہ کننگک۔ جارج خلیل پارے کہ ملک آن دہشت گردی نا چٹفنگ کن حکومت، عسکری سروک و قوم یکجائُ و اومیت ئِ کہ پاک فوج انا پوسکن آ سروک جنرل راحیل نا کاریم تے جاری تخسا وطن عزیز آن دہشت گردی ئِ پوروی اٹ چٹفک۔ اوپارے کہ دہشت گردی نا چٹفنگ کن غٹ سیاسی جماعت، عسکری سروک و قوم یکجائِ و نن غٹ دہشت گردی ئِ پوروی اٹ چٹفسا دم کشون۔
