اسلام آباد۔ 29نومبر (اے پی پی) مسکوہی گورنر لیفٹیننٹ جنرل (ر) معین الدین حیدر پارینے کہ قوم دہشت گردی نا چٹفنگ کن جنرل راحیل شریف نا کوشست آتے سلام پیش کیک۔ احوالکار آتون ہیت وگپ کرسا اوپارے کہ پاک گل زمین آن دہشت گردی نا چٹفنگ کن جنرل راحیل ئِ قوم انا پت دوئی مس و اونا سخت کوشست آتیان وطن عزیز اٹی امن بحال مس ہنداسوب ئِ کہ قوم اونا کاریم نا ستائِ کیک و اودے خراج تحسین پیش کیک۔ مسکوہی گورنر پارے کہ کراچی پاکستان نا معاشی حب ئِ و ہموجاگہ نا سرجزآتے بحال کننگ اٹی ہم جنرل راحیل اہم کڑد ادا کرینے۔ اواومیت نا درشانی ئِ کرے کہ پاک فوج انا پوسکن آ سپہ سالار جنرل قمر جاوید باجوہ ہم جنرل راحیل نا برجاءکروک ایجنڈہ ئِ ہلسا مو ن آ رادہ مریک و ملک اٹی ساڑی ایلو دہشت گرد آتے اوفتے اوفتا کروک نا سزا ترفک۔
