حکومت قرآن پاک نا طباعت و ریکارڈنگ اٹی غلطی تا چٹفنگ کن جامع بل اس اتنگ ئِ

وزیر مملکت مذہبی امور پیر امین الحسنات شاہ
اسلام آباد۔ 29نومبر (اے پی پی) وزیر مملکت مذہبی امور پیر امین الحسنات شاہ پارینے کہ قرآن پاک نا طباعت و ریکارڈنگ اٹی غلطی تا چٹفنگ کن حکومت اسہ جامع بل اس اتنگ ئِ ، اوڑآ صلابت جاری ئِ ، صرف پنجاب آن ورندی رسینگانے ، ایلو صوبہ غاتیان داسکان ورندی بروئی ئِ ،دادے موخر کننگے۔ سے شنبے آ قومی اسمبلی نا دیوان اٹی میجر (ر) طاہر اقبال تحریک پیش کرے کہ قرآن پاک اشاعت(طباعت و ریکارڈنگ نا غلطی تا چٹفنگ)(ترمیمی) بل 2015ءئِ غورا ٹی اتنگے۔ وزیر مملکت پیر امین الحسنات شاہ پارے کہ حکومت دابابت اسہ جامع بل اس اتنگ ئِ۔ نن دا چرجوئی ٹی غٹ کڑدہ غاتیان خواست کرینن۔ صرف پنجاب آن ورندی رسینگانے و ایلو صوبہ غاتیان ورندی بننگ داسکان سلوک ئِ ، دابل ئِ موخر کننگے۔ میجر(ر) طاہر اقبال پارے کہ اسہ بھلو وخت اسے آن دا بل زیر التوائِ حکومتی بل اتون اونا بل ئِ ہم کلب کننگے۔ داڑکن ٹائم فریم اس ہم مقرر کننگے۔ وزیر مملکت پیر امین الحسنات شاہ پارے کہ ذاتی وڑاٹ صوبہ غاتون رابطہ ہم کننگک۔