اسلام آباد۔ 29نومبر (اے پی پی) کانودی اصلاحات (ترمیمی) بل 2015ءئِ قومی اسمبلی گیشتری نا رائے اٹ مسترد کرے وخت اس کہ وزیر کانود زاہد حامد موقف اختیار کرے کہ آئینی ترمیم آن بیدس دا بل منظور مننگ کپک ، سپریم کورٹ نا ازخودنوٹس آ بایدے اپیل نا حق ملے۔ سے شنبے آ قومی اسمبلی نا دیوان اٹی ایاز سومرو تحریک پیش کرے کہ کانودی اصلاحات (ترمیمی )بل 2015ءقائمہ کمیٹی نا رپورٹ کردہ دروشم اٹی غور اٹ اتنگے۔ بنجائی وزیر زاہد حامد پارے کہ ای مہالو ہم پاریسٹ کہ سپریم کورٹ نا ازخودنوٹس آ اپیل نا حق تننگ نا بابت کانود سازی آئین اٹی ترمیم نا کمک اٹ ہی کننگ مریک۔ تدوک آ دے دا بابت بیست ئُ چارمی ترمیم نا برخلاف اپوزیشن باسک آک زیات آن زیات تقریر کریر۔ دا انسانی حق انا ویل ئِ ۔ سپریم کورٹ ازخودنوٹس آ بایدے اپیل نا حق ملے۔ دا بل آئینی ترمیم آن بیدس منظور مننگ کپک۔ ایاز سومرو پارے کہ دا ازخودنوٹس نا بل اس اف دا بل ایگزیکٹو مجسٹریٹ نا بابت آن ئِ۔ زاہد حامد پارے کہ دابل آئین نا آرٹیکل 184نا بابت ئِ۔ ایگزیکٹو مجسٹریٹ نا بل ہم بننگ ئِ۔ ایاز سومرو پارے کہ کنا طبیعت سہی الوکہ ہرانا سوب اودے موخر کننگ نا درخواست کریسٹ۔ دابل ئِ پین منہ وخت اکن موخر کننگے۔ بنجائی وزیر زاہد حامد پارے کہ دابل ئِ پدی ہلنگے یا مسترد کننگے۔ بیست ئُ چارمی ترمیم بسنے۔ ڈپٹی اسپیکر پارے کہ بیست ئُ چارمی ترمیم کمیٹی تون ئِ اودے موخر کننگ مفک۔ قومی اسمبلی بل ئِ گیشتری رائے اٹ مسترد کرے۔
