مولانا فضل الرحمان نا برخلاف لندن اٹی فلیٹ آتا بابت دوبہ غاتا معاملہ مست ہی استحقاق کمیٹی نا حوالہ کننگانو
اسلام آباد۔ 29نومبر (اے پی پی) وزیر مملکت کیڈ ڈاکٹر طارق فضل چوہدری پارینے کہ مولانا فضل الرحمان نا برخلاف لندن اٹی فلیٹ آتا بابت دوبہ غاتا معاملہ مست ہی استحقاق کمیٹی نا حوالہ کننگانو، پیمرا ئِ کڑدہ جوڑ کرسا درخواست تننگے تو پیمرا کارروائی کیک، میڈیا ئِ مادر پدر آجوئی تفننگ اُن۔ سے شنبے آ قومی اسمبلی نا دیوان اٹی نعیمہ کشور خان نا 21نومبر 2016ءآ بول ٹی وی چینل نا پروگرام اٹی عامر لیاقت حسین نا لندن اٹی فلیٹ آتا بابت مولانافضل الرحمان تون اوار ایلو پارٹی راہشون آتیا بے بنداو دوبہ غاتا بابت توجوہ مبذول نوٹس نا ورندی ئِ ترسا وزیر مملکت ڈاکٹر طارق فضل چوہدری پارینے کہ دا توجوہ مبذول نوٹس آن مہالو 25نومبرآتحریک استحقاق ہم جمع مسنے۔ اوپارے کہ پیمرا نا کونسل آف کمپلینٹس نا کمک اٹ دوئی مروک آ غاوتیا کارروائی نا ذریعہ چینل آتے جرمانہ کننگک۔ اوپارے کہ تحریک استحقاق نا کمک اٹ تو پیمرا کارروائی نا اختیار تخاکہ ولے توجوہ مبذول نوٹس نا رداٹ کارروائی عمل اٹ اتنگ مفک ولے فاضل باسک آک پیمرا ئِ کڑدہ جوڑ کرسا چیئرمین پیمرا ئِ درخواست ایتر، کارروائی عمل اٹ اتنگک۔ ڈاکٹر طارق فضل چوہدری پارے کہ پیمرا نا دائرہ اختیار اٹی انتس کہ بریک اونا رداٹ کارروائی ئِ عمل اٹ اتنگک۔ ٹی وی چینل ئِ مادر پدر آجوئی تفننگ انگ ئِ۔ نعیمہ کشور خان پارے کہ نن کونسل آف کمپلینٹس اٹی ہم درخواست تسونن۔
