اسلام آباد۔ 29نومبر (اے پی پی) متحدہ قومی موومنٹ جوناگڑھ و مناوا درریاست آتیا بھارت نا غیر کانودی کوزہ نا معاملہ غا سینیٹ سیکرٹریٹ اٹی تحریک التواءجمع کرفینے۔ سے شنبے آ سینیٹ اٹی ایم کیو ایم نا پارلیمانی لیڈر سید طاہر حسین مشہدی تحریک التواءئِ سینیٹ سیکرٹریٹ اٹ جمع کرفے۔ تحریک التواءٹی پاننگانے کہ قیام پاکستان نا وخت 550 آن زیات ریاست آتے پاکستان یا بھارت آن اسٹ اسے تون اوار مننگ نا موقع تننگاسس۔ جوناگڑھ و مناوادرنا حکمرانک پاکستان اٹی اوار مننگ نا فیصلہ کریر ولے بھارت فوجی مداخلت کرسا ویانا کنونشن و ایلو جہانی کانود آتے پامال کرسا اوفتیا کوزہ کرے۔ دا بے کچ اہمیت نا معاملہ اسے۔ ایوان بالا ئِ پاننگے کہ حکومت جوناگڑھ و مناوادرنا پاکستان تون الحاق کن اقوام متحدہ و ایلو فورم آتیا دا معاملہ ئِ چست کننگ کن انت گام گیج کننگ ئِ۔
