آپ ءِ سلاہ بند کنگ ءِ ھچ وڑیں کوشست ءَ سگ ءُ اوپار  نہ کنت، سندھ ءِ آپ ءِ منوگری مھتل کنگ نہ بیت، مصدق ملک

برسلز۔19جون  (اے پی پی): موسمیاتی بدلی ءُ چاگردی ردوم ءِ وفاقی وزیر ڈاکٹر مصدق ملک ءَ گوشت کہ سرحد ءِ سرا دریا آنی سر ءَ یک نیمگی کارروائی دمگی برجائی ءِ واستہ ھترہ ءِ سبب جوڑ بیت۔ پاکستان آپ ءَ را سلاہ ءِ رنگ ءَ کارمرد کنگ ءِ ھرچ وڑیں کوشست ءَ را نا منّگ لیک ایت۔ سندھ ءِ آپ ءِ منوگری دنیا ءِ مستریں منوگری انت۔ سندھ ءِ منوگری یک نیمگی ءَ مھتل کنگ نہ بیت۔ ما مردماں پہ سیلاب ءُ طبیعی آفتانی رکّینگ ءَ سرپدی دیگی اِنت۔ آب و ہوا ءِ بدلی ءَ گوں گر ءُ چیل بوھگ ءِ ھاترا اجتماعی کوشست کنگ لوٹ ایت۔ اے ھیالانی درشانی آئی ءَ برسلز ءَ ٹرانس باونڈری واٹر ریسورسز کانفرنس ءَ گوں تران کنان ءَ کت۔ وفاقی وزیر ءَ گوشت کہ جیڈھ ایوک ءَ آپ ءِ نہ اِنت بلکینگ ءَ انصاف ءِ گپ اِنت، آپ ایوک ءَ قدرتی وسیلگ نہ اِنت بلکینگ ءَ لاکھوں مردم آنی روزگار، وردن ءُ زندگ بوھگ ءِ جیڈھ اِنت، آپ ءِ جیڈھ کشت ءُ کشاری، معیشت ءُ راجی ایمنی ءَ گوں مستقیم ءَ بندوک اِنت۔ آئی ءَ گوشت کہ گوستگیں سال آنی تہ ءَ پاکستان ءَ را بدتریں سیلاب ءِ آماچ بوتگ ایشی ءِ آسر ءَ لاکھوں مردم آماچ بوتگ انت۔ گوستگیں 15 سالانی تہا موسمی آفتانی سبب ءَ 6 ہزار مردم بیران بوتگ انت، 19 ہزار ءَ چہ گیش ٹپی بوتگ انت، وھدے کہ 1.8 ارب کار روچ گار بوتگ انت۔ ڈاکٹر مصدق ملک ءَ گوشت کہ دگنیا ءِ تہ ءَ ایوک ءَ سئے ملک 57درسد کاربن ڈائی آکسائیڈ ءِ کشگ ءَ اَنت وھدے کہ 10 ملک 70درسد کاربن ڈائی آکسائیڈ ءِ کشگ ءَ اَنت ءُ اے ملک آناں ھم 80درسد ءِ نزیک ءَ گلوبل گرین فنانسنگ رسگ ءَ اِنت۔ آئی ءَ گوشت کہ کاربن ءِ کشگ ءَ چہ گلوبل وارمنگ گیش بیت ایشی ءِ سبب ءَ گلیشیر پگھل بنت ءُ ایشی ءِ آسر ءَ سیلاب ءُ دگہ قدرتی آفت دیم ءَ کیت۔ آئی ءَ گوشت کہ پاکستان ءِ جہانی کاربن ءِ کشگ ءِ تہ ءَ یک درسد ءَ چہ کم بھر ءُ بانگ اِنت، بلے موسمی بدلی ءِ شدیدیں اثرات ءِ آماچیں ملک آنی تہ ءَ ھوار اِنت۔ پاکستان ھم اے جیڈھ ءَ چہ مستثنی نہ انت ۔ بنگلہ دیش ءَ ھوار دگنیا ءِ جتا جتائیں ملکاں کشت ءُ کشاری ءُ ماہی گیر است انت کہ آ آپ ءِ نہ بوھگ ءِ سبب ءَ مشکلات ءِ آماچ انت۔ آئی ءَ گوشت کہ سرجمیں دگنیا ءَ لاکھوں مردم آپ ءِ ناانصافی ءِ بھر ءُ بانگ ءِ آسر آنی آماچ بوھگ ءَ انت، اے ایوک ءَ پاکستان ءِ جیڈھ نہ انت بلکینگ ءَ جھان ءِ انصاف ءِ جیڈھ انت۔ آئی ءَ اے گپ پدر کت کہ پاکستان آپ ءَ را سلاہ ءِ رنگ ءَ کارمرد کنگ ءِ ھرچ وڑیں کوشست ءَ را نا منّگ لیک ایت۔ آئی ءَ گوشت کہ آپ ءِ قدرتی روانی ءَ را بند کنگ یا ایشی ءِ تہ ءَ مداخلت کنگ ءِ ھرچ کوشست پاکستان ءِ واستہ جنگی کارروائی ءِ برابر بیت۔ وفاقی وزیر ءَ گوشت کہ سندھ ءِ آپ ءِ منوگری دگنیا ءِ مھکمیں منوگری آں چہ یکے انت ایشی ءَ را یک نیمگی ءِ رنگ ءَ مھتل کنگ نہ بیت۔ آئی ءِ رد ءَ اے ایوک ءَ آپ ءِ بھر ءُ بانگ ءِ ھوالگ ءَ یک منوگری نہ اِنت بلکیں میاں اوستمانی کانود ءِ احترام، میاں اوستمانی منوگری ءُ وت مہ وتی بھروسہ ءِ بنیات اِنت۔ آئی ءَ ھشدار داتگ کہ آپ ءِ روانی ءِ تہ ءَ ھرچ وڑیں رکاوٹ ءِ سبب ءَ پاکستان ءِ فوڈ سیکیورٹی، معیشت ءُ لاکھوں ھاندان آنی زندمان ءِ سر ءَ براہ راست تاوان رسیت۔ ڈاکٹر مصدق ملک ءَ گوشت کہ پاکستان ءِ نزیک ءَ 40درسد آبادی کشت ءُ کشاری ءِ سر ءَ انحصار کنت ءُ سرحد ءِ سرا یک نیمگی کارروائی دمگی برجائی ءِ واستہ ھترہ ءِ سبب جوڑ بیت۔ آئی ءَ اے گپ ءِ سر ءَ زور پر دات کہ میاں اوستمانی منوگری آنی یک نیمگی مھتل کنگ ءَ چہ رھبندانی سر ءَ بنیات ءِ سر ءَ بنیات ءِ سر ءَ جھان ءِ نظام نزور بیت وھدے کہ قدرتی وسیلگ آناں سلاہ بند کنگ چاگرد، موسمیاتی نظام ءُ جھان ءِ استحکام ءِ واستہ ھترناک ثابت بوت کنت۔ وفاقی وزیر ءَ اے گپ پدر کت کہ پاکستان بھارت ءِ الس ءِ ھلاپ نہ انت بلکیں انصاف، امن ءُ میاں اوستمانی کانود ءِ بالادستی ءِ حمایت کنت۔ آئی ءَ گوشت کہ ھندوستان ءِ الس ھم موسمی مٹ ءُ بدلی ءِ آسراں گوں دوچار انت ءُ پاکستان جنگ نہ لوٹ ایت امن، گپ ءُ تران ءُ کمک ءُ کمک لوٹ ایت۔ آئی ءَ گوشت کہ پاکستان وتی آپی ھک آنی رکھینگ ءِ واستہ ھمک کانودی، سفارتی ءُ میاں اوستمانی دیوان ءَ وتی توار چست کنگ ءَ برجاہ دار ایت۔ آئی ءَ گوشت کہ موسمی مٹ ءُ بدلی، آپ ءُ چاگرد ءِ ھوالگ ءَ جھان ءِ چیلنج آناں گر ءُ دار ءِ واستہ میاں اوستمانی کمک المی اِنت، پاکستان ھمائی آپی وسیلگ آنی یکسانیں کارمردی، موسمی انصاف ءُ میاں اوستمانی کانود ءِ حکمرانی ءِ مھکمیں حمایت کار اِنت۔