راجی اسمبلی ءَ امریکہ ءُ ایران ءِ امن ڈیل ءِ سرا تپاکی ءَ گوں قرارداد منظور

اسلام آباد۔19جون  (اے پی پی): راجی اسمبلی ءَ پاکستان ءِ  سلاھ کاری  ءَ امریکہ ءُ ایران ءِ نیام ءَ امن ڈیل ءِ ھوالگ ءَ یک قرارداد ءِ تپاکی ءَ منظور کتگ ۔ جمعہ ءِ روچ ءَ وفاقی وزیر قانود ءُ انصاف اعظم نظیر تارڑ ءَ راجی اسمبلی ءَ قرارداد پیش کنگ ءِ اجازت لوٹ اتگ۔ اجازت ءِ رسگ ءَ پد آئی ءَ قرارداد ونت کہ ایوان ءَ یک رند ءَ منظور کت۔ قرارداد ءِ نبشتانک ءَ گشگ بوتگ کہ پاکستان ءِ راجی اسمبلی ءَ گوں مزنیں وشھالی ءُ پھر ءَ نوکیں سفارتی سوبمندی ءِ سر ءَ چمشانک داتگ کہ اے سوبمندی امریکہ ءُ اسلامی جمہوریہ ایران ءِ نیام ءَ دژمنی ءِ ھلاسی ءُ امن ءُ ایمنی ءِ واستہ یک فریم ورک منوگری ءِ سر ءَ دستخط کنگ ءِ رنگ ءَ اتکگ۔ ایوان اے جیڈھ ءِ دمگی امن ءُ ایمنی ءِ سر ءَ ءُ ھمے رنگ ءَ دگنیا ءِ ملک آنی اقتصادی استحکام ءُ توانائی ءِ ایمنی ءِ سر ءَ ھم منفی اثر ءَ را من ایت۔ قرارداد ءِ نبشتانک ءِ تہ ءَ گشگ بوتگ کہ ایوان پاکستان ءِ مزن وزیر محمد شہباز شریف، نائب مزن وزیر ءُ درئی کارانی وزیر  سینیٹر محمد اسحاق ڈار، تہی کارانی وزیر سید  محسن نقوی، فیلڈ مارشل سید  عاصم منیر ءُ مذاکرات ءِ عمل ءَ ہواریں سرجمیں ٹیم ءِ ھزمت آناں یات کنگ ءَ انت۔ ایشانی مخلص ءُ بے مٹیں کوشستاں پاکستان ءَ را جھان ءِ تک ءَ یک معتبر ءُ بے رھبندیں میانجی ءِ بستار ءَ نامداریں جاہ ءُ بستار رستگ۔ ایوان اسلامی جمہوریہ ایران ءُ امریکہ ءِ حکومت آناں ھم مبارک بات دنت ءُ آھانی زانتکاریں سروکی ءِ ستا ءَ کنت کہ ایشی ءِ آسر ءَ گپ ءُ تران سوبمندیں آسر ءُ اے راجدپتری امن منوگری ءِ سر ءَ دستخط کنگ بوتگ۔ اے منوگری ءِ چہ دمگ ءُ دگنیا ءَ امن، مھکم ءُ وت مہ وتی کمک ءِ دیمروئی ءِ نیمگ ءَ یک ھاسیں سنگ میل ءِ امیت انت۔