وزیر خزانہ بلال اظہر کیانی  ءَ راجی اسمبلی ءَ گوں تران کنان ءَ گوشت کہ حکومت ءَ تنخواہ دار تبک، کشت ءُ کشاری، صنعت کار، برآمد کنوک ءُ  اھمک  پاکستانی شہری ءِ مفاد ءِ رد ءَ متوازن بجٹ داتگ

اسلام آباد۔19جون  (اے پی پی): وزیر مملکت ءِ ھزانگ ءُ آمدنی بلال اظہر کیاوانی ءَ گوشت کہ آیوکیں مالی سال ءِ تہ ءَ 3.5 ملین دکاندار ٹیکس ءِ پناہ گاہ ءَ داخل بنت۔ حکومت ءَ تنخواہ دار تبک، کشت ءُ کشاری، صنعت کار، برآمد کنوک ءُ ہر پاکستانی شہری ءِ مفاد ءِ رد ءَ متوازن بجٹ داتگ۔ بجٹ ءَ چہ ملک ءِ معیشت گیش مھکم بیت ۔ جمعہ ءِ روچ ءَ راجی اسمبلی ءِ دیوان ءَ آیوکیں مالی سال ءِ وفاقی بجٹ ءِ سر ءَ گپ ءُ تران ءَ بھر زوری کنان ءَ بلال اظہر کیاوانی ءَ گوشت کہ آئی ءَ سرجمیں ایوان ءُ راج ءِ گوما مزن وزیر شہباز شریف، فیلڈ مارشل عاصم منرل ءُ ھزانگ ءِ وزیر اسحاق درف ءَ را مبارک بات داتگ۔ درکنگ ءَ پاکستان ءَ جنگ بندی ءِ تہ ءَ مزنیں کردے پیلو کتگ کہ ایشی ءِ ھاتر ءَ آ منت وار اِنت۔ آئی ءَ گوشت کہ بجٹ راستی ءَ سرکاری بجٹ اِنت۔ اے تنخواہ داریں تبک، کشت ءُ کشاری، صنعت کار، برآمد کنوک ءُ ہر پاکستانی شہری ءِ بجٹ اِنت۔ مزن وزیر ءَ وعدہ کتگ ات کہ ما پیسر ءَ اقتصادی استحکام آرگ ءَ پد گہتری پجاری کناں۔ الحمداللہ کہ گہتری اے بجٹ ءِ تہا گندگ ءَ کیت۔ وزیر مملکت ءَ گوشت کہ فروری 2024 ءَ وھدے حکومت ءِ سر ءَ اتک گڈا اقتصادی جاور سک باز گران بوتگ اَنت۔ لھتے مردم رد اتنت کہ اے سرکار لہتیں ماہ ءَ ھم برجاہ نہ بیت۔ بلے مزن وزیر ءِ دور ءَ نہ ایوک ءَ معیشت ءِ سرا کنٹرول اتکگ بلکیں افراط زر ءِ ذخیرہ ہم کم بوتگ، زرّ ءِ ذخیرہ ہم گیش بوتگ ءُ آئی ایم ایف ءِ پروگرام ہم سوبمندیں رنگ ءَ آسر بوتگ۔ نقاداں گشتگ کہ ٹارگٹ سرجم نہ بنت ءُ منی بجٹ ءِ دیم ءَ آرگ بیت بلے حکومت ءَ مالی سال 2025 ءَ درستیں ٹارگٹ سرجم کتگ ءُ ہچ وڑیں منی بجٹ نہ آورتگ۔ آئی ءَ گوشت کہ بجٹ ءَ تنخواہ داریں تبک ءِ حوالہ دیگ بیت، 22 ءَ چہ 23لکھ کلدار ءِ کمائی کنوک آنی واستہ ٹیکس 23 ءَ چہ 20 درسد ءَ کم کنگ بیت، 32 ءَ چہ 41 لکھ کلدار ءِ واستہ 35 ءَ چہ 29 درسد، 41 ءَ چہ 29 درسد ءَ چہ 56 لکھ کلدار ءِ واستہ ٹیکس کم کنگ بیت۔ 70لکھ 35 ءَ چہ 32 ءَ کم کنگ بوتگ، ایشی ءِ گوما سپر ٹیکس ھم ھلاس کنگ بوتگ۔ آئی ءَ گوشت کہ ایکسپورٹر آنی واستہ ٹیکس ءِ شرح ءَ را کم کنگ بیت تانکہ آوانی ھرچ ءُ درچ ءِ تہ ءَ کمی بہ بیت ءُ مقابلہ ءِ تہ ءَ گیشی بہ بیت۔ آئی ٹی انڈسٹری ءِ واستہ 0.25درسد ٹیکس ءِ آسراتی ءَ را دگہ پنچ سال ءِ واستہ گیش کنگ بوتگ، تعمیراتی شوبگ ءِ واستہ ھم گامگیج چست کنگ بوتگ تانکہ مردم وتی لوگ جوڑ کنگ ءِ آسراتی ءَ بہ رس اَنت۔ اپنا گھار اسکیم ءِ واستہ 71ارب کلدار ایر کنگ بوتگ ایشی ءِ چیر دستی ءَ شہری کمیں سود ءِ شرح ءَ وام زورگ ءَ انت۔ وزیر مملکت ءَ گوشت کہ کشت ءُ کشاری ءِ شوبگ ءَ را سرجم ءَ 300ارب کلدار دیئگ بیت، مزن وزیر ءِ کشت ءُ کشاری یوتھ اسکیم ءِ چیر دستی ءَ 110ارب کلدار فنڈ ایر کنگ بوتگ، کشت ءُ کشاری مشینری آنی سر ءَ ڈیوٹی ھلاس کنگ بوتگ۔ زالبولانی المی ئیں چیز ءُ ھاندان ءِ منصوبہ بندی ءِ چیزانی سر ءَ سیلز ٹیکس ھلاس کنگ بیت۔ شپنگ انڈسٹری ءِ دیمروئی ءِ واستہ سیلز ٹیکس ءَ چہ ھم معاف کنگ بوتگ تانکہ پاکستان وتی تجارتی صلاحیت آناں گہتر بہ کنت۔ آئی ءَ گوشت کہ ٹیکس ءِ شرح ءِ تہ ءَ گیشی ءِ واستہ نوکیں اسکیم سازگ بوتگ۔ کسانیں دکاندار، 20کروڑ کلدار ءَ تاں کاروبار ءِ دکاندار ایوک ءَ یک درسد ٹیکس ءِ دات کن اَنت۔ آ یک سادہ اردو فارم ءِ وسیلہ ءَ رجسٹرڈ کنگ بنت۔ ایف بی آر ءِ نیمگ ءَ آھاں گرین لائٹ دیگ بیت ءُ آھاں نارمل جاور ھال آنی تہ ءَ آڈٹ نہ کنگ بیت۔ اے اسکیم ءِ مول ءُ مراد 3.5 ملین دکانداراں ٹیکس ءِ شرح ءِ چیر ءَ آرگ اِنت۔ آئی ءَ گوشت کہ توامیں کاروباری ادارگ آنی شگر ءُ منت گپت کہ آہاں اے بجٹ ءَ را ساڑاتگ۔