اسلام آباد۔ 29نومبر (اے پی پی) ڈپٹی اسپیکر قومی اسمبلی مرتضیٰ جاویدعباسی پارینے کہ ہراوزیرآن تعلقدار بزنس ایجنڈہ غا مرے اودے ایوان اٹی بایدے ساڑی مروئی مرے۔ صرف عملہ نا کنڈآن نوٹس ہلنگ آن ہچ اس مفک۔ سے شنبے آ قومی اسمبلی نا دیوان اٹی بیگم طاہرہ بخاری قرارداد پیش کرے کہ داایوان نا رائے ئِ کہ حکومت پاکستان ٹی وی نا کارکڑد ئِ گچین جوڑ کننگ کن گام گیج کے۔ اعجاز جاکھرانی پارے کہ تدوک آ ہفتہ ہم قرارداداس بسوسس ولے تعلقدار وزیر ساڑی ہی الوکہ۔ اگہ وزیر اس اف تو ایلو وزیر آک اونا ورندی ئِ تننگ کیرہ۔ بنجائی وزیر چوہدری محمد برجیس طاہر پارے کہ داقرارداد اسے داڑآ شرہ کرفے نن ورندی ایتنہ۔ ڈپٹی اسپیکرپارے کہ ہراوزیر آن تعلقدار آئٹم اس مرے اودے ایوان اٹی بایدے ساڑی مروئی مرے۔ بنجائی وزیر زاہدحامد و شیخ آفتاب احمد پاریر کہ تعلقداروزیر میٹنگ اٹی ئِ ، نن نوٹس ہلنگ اُن او دافتا ورندی ئِ ایتک۔ بنجائی وزیر خواجہ سعد رفیق پارے کہ حزب اختلاف نا داہیت راست ئِ کہ ہراتم وزارت آن تعلقدار برنس اس مرے اودے بایدے داڑے ساڑی مروئی مرے۔ شاہد خاقان عباسی استو پیشن نا ملک آن پدی بسنے اونا بننگ اسکان کنا وزارت آن تعلقدار بزنس ہلنگے۔
