راولپنڈی ۔ 26 نومبر (اے پی پی) چیف آف آرمی سٹاف جنرل راحیل شریف ئَ مہمند ایجنسی ئَ ناشرکاری ئِ اُرش ئَ را ناکام جوڑ کنگ ئِ پد ئَ سیکورٹی فورسز آنی ساڑا ئُُ توسیپ کتگ ئُُ آواناں سلام پیش کُتگ۔ شمبے ئِ روچ ئَ آئی ایس پی آر ئِ نیمگ ئَ چہ جاڑی بوتگیں پریس ریلز ئِ رد ئَ چیف آرمی اسٹاف جنرل راحیل شریف ئَ مہمند ایجنسی ئَ گالانی کیمپ ئَ ناشرکاری اُرش ئَ را ورنائیں کارندہ آں زوت زوتی ئَ کاروائی کنان ئَ اے اُرش ئَ را ناکام کنگ ئَ وتی جانی کربانی دات، چیف آف آرمی سٹاف کارندہ آناں ساڑات۔ اے واکیہ ئِ تہ ئَ چاریں اُرش کنوک بیران بوت اَنت ۔ اے ساھت ئَ دو کارندہ ھم شہید بوت آواں وتی جان ئِ کربانی پہ ماتیں وطن ئِ باھند ئُُ ایندگہ کارندہ آنی رکھینگ ئَ کامیاتی ئَ گوں دات۔ سرجمیں ھال آنی رد ئَ اے وئیل 6شش بج ئَ سُھب ئِ بوت، ناشرکار آں گالانی کمیپ ئِ سر ئَ اُرش کُت ایشی ئَ چہ پیسر آواں دمگ ئِ مسجد ئِ سر ئَ ھم اُرش کُت۔ اے وھد ئَ مسجد ئِ تہ ئَ بازیں مردم ئِ اِبابت کنگ ئَ اَت۔ ناشرکار تیلر گواری کنان ئَ مسجد ئِ توک ئَ پوترگ ئَ اَتاں بلے سیکورٹی گارڈ آں آواناں مسجد ئِ پیشگاہ ئَ گر ئُُ دار کُت، آواں وت کُشی تراکی جیکٹ گورا اَت۔ سیکورٹی فورسز آں آواناں وھد ئِ چپ ئُُ چاگرد کُت گڈا آواں وتارا تراکینت۔ ایشی ئَ چہ دو کارندہ آماچ بوت ئُُ شہید بوت۔ اے واکیہ ئَ یک مزنیں وئیلے ئَ چہ بچارینت۔ اُرش کنوک آنی تیر گواری ئَ چہ 14سیکورٹی ئِ کارندہ ٹپیگ ئُُ دو شہید بوت۔
