اسلام آباد ۔ 26نومبر (اے پی پی) چیف آف آرمی سٹاف جنرل راحیل شریف ئَ شمبے ئِ روچ ئَ ائیر ھیڈ کوارٹر ئَ برو پہ ھیری تر ئُُ تاب کتگ۔ پاک ائیر فورس ئِ نیمگ ئَ جاڑی بوتیں پریس ریلیز ئِ رد ئَ ائیر ھیڈ کوارٹر ئَ سر بوھگ ئِ سر ئَ پاکستان ائیر فورس ئِ مستر ائیر چیف مارشل سہیل اعوان ئَ آرمی چیف ئَ را وش اتک کُت وھدیکہ پاک ائیر فورس ئِ کارندہ آں آرا گارڈ آف آنر پیش کُت ۔ پاک ائیر فورس ئِ پرنسپل سٹاف آفیسر آنی گوما پجاروکی کنائینت ئُُ دوئیں چیف آنی نیام ئَ چیف آف ائیر سٹاف ئِ کارگس ئَ گند ئُُ نند کنگ بوت۔ پاک ائیر فورس ئِ سربراہ ئَ ماتیں وطن ئِ دیمپانی ئَ را مھکم دارگ ئِ ھاترا سئے ایں سلاھ بندیں اُرد آنی بے مٹیں اِزمت آناں ساڑات ئُُ جنرل راحیل شریف ئِ مزن کارمستری ئَ را سلام پیش کُت۔ آئی ئَ گوشت کہ ملک ئَ چہ ناشرکاری ئِ ھلاس کنگ ئِ ھاترا پاک آرمی ئُُ پاک ائیر فورس ئَ یکجائی ئَ آپریشن ضرب ئِ عضب ئَ گامگیج زُرتگ۔ جنرل راحیل شریف ئَ ماتیں وطن ئِ سیم سرآنی رکھینگ ئِ ھاترا پاک ائیر فورس ئِ جوانیں اِزمکاری ئَ پاسبانی ئَ را ساڑات ئُُ گوشت کہ دوئیں سسٹر سروسز آنی نیام ئَ کمک دلیکیمی اِنت ئُُ آیوکیں وھد ئَ ایشی ئِ گیش بالائی ئَ سر بوھگ ئِ واستہ اُمیت ئُُ نیکیں واھشت آنی درشانی کُت۔
