اسلام آباد۔ 25 نومبر (اے پی پی) زالبول آنی لٹ ئُُ کُٹ ئَ را ایوک ئَ یک رنگے ئَ گر ئُُ دار کنگ بیت ھما وھد ئَ کہ زالبول وتی اندر ئَ چہ ھما چیریں اِزمکاری ئَ ڈن ئَ کش اَنت ھما وھد ئَ ایشی ئِ گر ئُُ دار جوانی ئَ بیت، زالبول ڈن ئَ در بیا اَنت ئُُ میاں اوستمانی گل آنی ھواری ئَ وتی گوانک ئَ بُرز بکن اَنت۔ زالبول آنی تہ ئَ وت مستری ئُُ ھمزوری ئِ سبب ئَ ناھار آسانی ایشاناں لٹ ئُُ کُٹ ئِ آماچ کن اَنت۔ زالبول آناں شرپ ئُُ اِزت دیگ ئَ چہ ناھار آنی ناھاری کم بوت کنت۔ اے ھیالانی سرشانی وزیر ئِ مملکت ئُُ چیئرپرسن بی آئی ایش پی بانُک ماروی میمن ئَ زالبول آنی ھلاپ ئَ لٹ ئُُ کُٹ ئِ ھلاپ ئَ برجم داشتگیں روچ ئِ درگت ئَ بی آئی ایس پی سیکرٹریٹ ئَ دیوان ئَ گوں گشتانک دیان ئَ گوشت۔
