اشک آباد۔ 25 نومبر (اے پی پی) مزن وزیر محمد نواز شریف مھکمیں ٹرانسپورٹ ئِ میاں استمانی کانفرنس“ ئَ بھر زوری کنگ ئِ ھاترا آدینگ ئِ روچئَ دو روچی ترکمانستان ئِ دارالحکومت اشک آباد ئَ سر بوت۔ آ ترکمانستان ئِ صدر ئِ داتگیں دعوت ئِ پد ئَ اے تر ئُُ تاب ئَ کنگ ئَ اِنت۔ مزن وزیر مشیر عرفان صدیقی ئُُ ھاسیں کمک کار طارق فاطمی ھم آئی ئِ ھمبراہ اَتاں۔ مزن وزیر پاکستانی ٹولہ ئِ پاگوجئی کنان ئَ اقوام ئِ متحدہ ئِ چیر دستی ئَ اشک آباد ئَ ”مھکمیں ٹرانسپورٹ ئِ بابت ئَ میاں اوستمانی کانفرنس“ ئَ بھر زوری کنت۔ مزن وزیر محمد نواز شریف وتی تر ئُُ تاب ئِ ساھتت ئَ ترکمانستان ئِ صدر قربان علی بردی محمدوف ئَ گوں گند ئُُ نند ھم کنت ایشی ئِ تہ ئَ وت مہ وتی یکوئی ئُُ دو نیمگی دمگی ئُُ میاں اوستمانی کار آنی بابت ئَ ھیال ریچی کنگ بیت۔ اقوام ئِ اقوام ئِ متحدہ ئِ چیر دستی ئَ اولی رند ئَ اے کانفرنس برجم دارگ بوھگ ئَ اِنت ایشی ئِ میزبانی ئَ اقوام ئِ متحدہ ئِ سیکریٹری جنرل ئُُ ترکمانستان یکجاھی ئَ کنگ ئَ اَنت۔
