اسلام آباد۔ 25نومبر (اے پی پی) مسلم لیگ ضیاءنا سروک باسک قومی اسمبلی اعجاز الحق پارے ڈیہہ ٹی حالیت آک خراب ئُ، ملک جنگ انا حالیت اٹی ئِ، بھارت ایل او سی آ سم کاری نا چرجوئی ئِ برجاتخانے۔ جمعہ آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ داکان مست پاکستان نا تاریخ اٹی وخت اس ہم صوبہ اسے نا وزیراعلیٰ الس تون اوار بنجاءنا کنڈا مارچ کرسا بتنے ولے مسکوہی مسہ سالہ دور اٹی کے پی کے نا وزیراعلیٰ الس تون اوار بنجاءنا برخلاف دھرنہ ٹی ساڑی مس۔ اوپارے کہ ڈیہہ نا حالیت آک خرابی نا کنڈاہِننگ ئُ۔ بھارت لین آف کنٹرول آ سم کاری نا چرجوئی ئِ برجاتخانے۔ پاکستان ئِ مرے کہ او دا حالیت آتیٹی مذاکرات نا چرجوئیئِ برجاتخے و بھارت نا تہٹی ہارٹ آف ایشیاکانفرنس اٹی ساڑی مرسا دوٹوک موقف اختیار کے۔
