اسلام آباد۔ 25نومبر (اے پی پی) وزیر مملکت کیڈ ڈاکٹر طارق فضل چوہدری پارینے کہ چشمہ نیو کلیئر پاور پلانٹ آن 320میگاواٹ پیداواردسمبر اٹی بناءکیک، چشمہ ڈی آئی خان ڈبل سرکٹ ٹرانسمیشن لین آ کاریم نا بناءمسنے۔ ڈی آئی خان آن ژوب اسکان ڈبل سرکٹ ٹرانسمیشن لین نا کاریم اکتوبر 2018ءاسکان پورو مریک۔ جمعہ آ ایوان بالا ٹی سینیٹر عثمان کاکڑ و ایلو باسک آتا توجوہ ترفوک نوٹس نا ورندی ٹی اوپارے کہ ژوب ئِ بجلی نا فراوانی نا ڈٹ اِرا مرحلہ غاتیٹی پورو کننگ انگ ئِ۔ داوخت آ چشمہ نیو کلیئر پاور پلانٹ آن آزمائشی پیداوار جاری ئِ۔ دسمبر اٹی دا ڈٹ پورو پیداوار نابنائِ کیک۔ چشمہ آن ڈی آئی خان اسکان ڈبل ٹرانسمیشن لین شاغنگ نا کاریم نا بنامسنے۔ دا84کلو میٹر مریس لین اسے، ڈٹ وخت آ پورو مریک۔ اوپارے کہ ارٹ میکو مرحلہ ڈی آئی خان آن ژوب اسکان ڈبل سرکٹ ٹرانسمیشن لین نا ئِ ہرانا مرغنی 220کلومیٹر ئِ۔ داڑآہم پیش رفت جاری ئِ و دانا پی سی ون نا ایکنک منظوری ئِ تسنے ہراڑآ جم خڑچ انا تخمینہ 6ارب 62کروڑ پنجالکھ روپئیئِ۔ دانا ٹینڈر جاری کننگ انگ ئِ و داڑتون اوار اوار 220کے وی نا اسہ گریڈ اسٹیشن اس ہم اڈتننگک۔ دا ڈٹ اکتوبر 2018ءاسکان پورو کننگک۔
