مسکوہی ڈپٹی اسپیکر قومی اسمبلی فیصل کریم کنڈی نا پارلیمنٹ ہاﺅس نا پیشن میڈیا تون ہیت وگپ
اسلام آباد۔ 24نومبر (اے پی پی) مسکوہی ڈپٹی اسپیکر قومی اسمبلی فیصل کریم کنڈی پارینے کہ لین آف کنٹرول آ بھارتی بیدادی آ خاموشی اختیار کننگ سہی اف۔ بھارت ئِ پبی وڑاٹ بایدے ورندی تننگے۔ پنچ شنبے آ پارلیمنٹ ہاﺅس نا پیشن میڈیا تون ہیت وگپ کرسا اوپارے کہ بھارت لین آف کنٹرول آ جارحانہ رویہ اس اختیار کرینے۔ ہراڑآن سویلین شاری آبادی زہمی مننگ ئِ و بے گناہ خلقت آتے شہید کننگ انگ ئِ ، داغٹ معاملہ غاتیا خاموشی اختیار کننگ درست اف بلکن بھارتی بیدادی نا پبی ورندی ئِ بایدے تننگے تانکہ او پین وخت اس داوڑنا حرکت کپ۔ اسہ سوج اسے نا ورندی ٹی اوپارے کہ مسکوہی صدر آصف علی زرداری نا وطن آ پدی بننگ آن گڈ پی پی پی نا چیئرمین بلاول بھٹو نا پوزیشن پین سوگو مریک و پارٹی ئِ ہم سوگوی ملک۔
