اسلام آباد۔ 24نومبر (اے پی پی) وزیرمملکت دیر و بجلی عابد شیرعلی پارینے کہ دیامر بھاشا ڈیم انا ڈغار نا دوئی آن بیدس مسہ بار فیتہ ئِ کاٹ کننگا، اونا باضابطہ بنداو ئِ بروک آسال وزیراعظم تخک، نن 80درسد ڈغار دوئی کرینن۔ داکان مست انا حکومت اٹی داڑے ڈغار نا دوئی ٹی بھلو کچ اسے آ دھوکہ تننگ نا جاست وپاست نا رپورٹ زوت غٹ انا مون آ اتینہ۔ پنچ شنبے آ قومی اسمبلی ٹی وقفہ سوج آتا وخت آ نگہت پروین میر نا سوج انا ورندی ٹی وزیر مملکت بجلی و دیر عابد شیر علی پارے کہ دیامر بھاشا ڈیم اکن 37ہزار 419ایکڑڈغار تیان 28ہزار 274ایکڑڈغار دوئی کننگانے۔ دانافیتہ تو کاٹنگا، داڈیم آن 4500 میگاواٹ بجلی دوئی مریک۔ دا ملکی اہمیت تخوک ڈٹ آبروک آ سال کاریم نا بنائِ کینہ۔ داڑے دیر کوڑی کننگ نا گنجائش 6.4ملین ایکڑ فٹئِ۔ دا ڈٹ ہفت سال آن ہشت سال اٹی پورو مریک۔ ڈغار نا دوئی کن تینا پی ایس ڈی پی آن تسونن۔ اونا گڈیکو بنداو ئِ بروک آ سال وزیراعظم محمد نواز شریف تخک۔ اوڑآخڑچ 894ارب روپئی ئس ولے داسہ داٹی مننگ کیک کہ ہرے مننگ نا سوب پین ودے۔ اونا ہم بایدے احتساب مرے کہ ہراسوب داڑاکاریم متو۔ میاں منان نا سوج انا ورندی ٹی اوپارے کہ ڈغار نا دوئی کن ہراگوازی ئِ کننگا ہموڑے مہالو انوسٹر گدریفسا او ڈغار ہلنگا ولدا اوڑآن کبین آ نرخ اٹ ہلنگا۔ اونا وزیراعظم انکوائری ئِ کرفینے زوت اونا رپورٹ مون آ بریک۔
