داسو ڈیم انا اولیکو فیز 2022ءآن بجلی نا پیداوار نا بنائِ کیک
اسلام آباد۔ 24نومبر (اے پی پی)وزیر مملکت دیر و بجلی عابد شیرعلی پارینے کہ داسو ڈیم نا اولیکو فیز 2022ءآن بجلی نا پیداوار نا بنائِ کیک، 4جہانی بینک آک ضمانت آ 80کروڑ ڈالر اسکان نا زرکاری نا پیش کش کرینے، اونا جاچ پورو مسنے۔ پنچ شنبے آ قومی اسمبلی ٹی وقفہ سوج آتا وخت عابد شیرعلی پارے کہ داسو نا اولیکو فیز 2022ءٹی بجلی ودی کیک۔ پیپلزپارٹی نا دور اٹی دا کاریم بناءکریکہ تو اینو داڑآن بجلی ودی مسکہ۔ داکریڈٹ ہم ننا حکومت ئِ کاہک۔ حکومت پاکستان نا ضمانت و واپڈا بیلنس 144ارب روپئی نا زرکاری یانزدہ فروری 2016ءآ حبیب بینک نا سرپرستی ٹی ہفت ہندی بینک آتا کنسور شیم ئِ اختیار تننگانے۔ معاہدہ غازوت دستخط مریک۔ چار بین الاقوامی بینک آک 80کروڑ ڈالر اسکان نا زرکاری ناپیش کش کرینو۔ اوفتا جاچ پورو مسنے۔
