کراچی۔ 23 نومبر (اے پی پی) صدر مملکت ممنون حسین ئَ گوشت کہ پاکستان ئُُ یوکرین ئِ یکوئی سک باز ارزشتی اَنت ئُُ دو نیمگی سیادی ئَ را گیش ودینگی اِنت۔ اے گپ آئی ئَ کراچی ئَ یوکرین ئِ دیمپانی ئِ وزیر جنرل سٹیفن پولٹورک ئِ گوما گند ئُُ نند ئِ ساھت ئَ کُت اَنت۔ ایشی ئِ تہ ئَ دیمپانی ئِ بُنجاھی وزیر رانا تنویر حسین، سیکریٹری دیمپانی جنرل (ر) سید محمد اویس ئُُ پاکستان ئَ یوکرین ئِ سفیر ھم ھوار اَتنت۔ صدر ئِ مملکت ئَ گوشت کہ پاکستان ئُُ یوکرین ئِ نیام ئَ تجارتی کساس ئَ را ودینگ ئِ ضلورت اِنت تانکہ دو نیمگی سیادی ئِ تہ ئَ گیشی بہ بیت۔ آئی ئَ اُمیت سُہرا کُت کہ پاکستان ئَ را سوداگری سامانی آنی بر ئُُ آر ئِ تہ ئِ پینگ آناں زوت دور کنگ بہ بیت۔ صدر ئِ مملکت ئَ گوشت کہ پاکستان انفارمیشن ٹیکنالوجی، جوڑیشت ”تعمیرات“ ئُُ بالیگ آنی جوڑیشت ئِ سامان آنی شوبگ ئِ تہ ئَ یوکرائن ئِ تکنیکی اِزم ئَ چہ نپ زورگ ئِ واھشت ایگ اِنت۔
