اسلام آباد۔ 23نومبر (اے پی پی) مسلم لیگ (ن) نا سینیٹرو لیفٹیننٹ جنرل (ر) عبدالقیوم پارینے کہ پاکستان معرض وجود اٹی بتوکہ تو ہند ومسلم علاقہ غاتے ہروڑاٹ محروم تخاکہ۔ احوالکار آتون ہیت وگپ کرسا او پارے کہ پاکستان نا اڈ ہلنگ آن مست دیکی و دے ٹکی مسلم علاقہ کھنڈر آتا وڑاٹ ئس و ہندو غٹ تر شونداری کاریم تے ہندو تا آبادی انگا علاقہ غاتیٹی کریکہ و ہمووخت آ غٹ صنعت آک و دفاعی سازوسامان جوڑ کروک آ فیکٹریک ہم ہموعلاقہ غاتیٹی ئسر ہندا سوب ئس کہ پاکستان نا وجود اٹی بننگ نا وخت ولیکا ٹیکسٹائل مل اتون اوار گڑاس چنکا منکا فیکٹریک اونا بشخ اٹی بسر۔ آئیڈیا ز2016ءنا اہمیت نا بابت چست کروک آ سوج انا ورندی ئِ ترسا اوپارے کہ نمائش نا مسخت پاکستان نا دفاعی سازوسامان تے دنیا نا مون آ پیش کروئی ئِ۔ اوپارے کہ دا نمائش اٹی پاکستان تون اوار دنیا نا ایلو دفاعی سازوسامان جوڑ کروک آ کمپنیک تینا سامان تے نمائش کن پیش کیرہ و داوخت آ کیہی معاہدہ غاک ہم پک مریرہ۔
