اسلام آباد۔23نومبر (اے پی پی) بنجائی وزیر دفاعی پیداوار رانا تنویر پارینے کہ بھارتی بیدادی نا پاکستان ئِ ورندی تننگ بریک۔ اسہ نجی ٹی وی چینل آ وادی نیلم اٹی بھارتی بیدادی نا بابت خصوصی ہیت وگپ کرسا بنجائی وزیر دفاعی پیداوار پارے کہ بھارت نا کنڈآن اشتعال انگیزی نا چرجوئی وقفہ وقفہ اٹ جاری ئِ و بھارت نا اشتعال انگیزی آن جہانی برادری ئِ معلومدار کننگانے، دااولیکو وار اف کہ بھارت دُن کرے مسکوہی ٹی ہم بھارت کیہی وار داوڑ کرینے۔ پاکستانی داسکان صبر انا درشانی ئِ کننگ ئِ اگہ بھارت تینا بیدادی تیان سلتو تو پاکستان ئِ پبی ورندی تننگ بریک۔
