اسلام آباد۔ 23نومبر (اے پی پی)زالبول آ بیدادی نا چٹفنگ نا جہانی دے 25نومبر آ اڈتننگک۔ دا دے ئِ اڈتننگ نا مسخت زالبول آ مروک آ ہروڑنا بیدادی کون آ جنسی بیدادی ، اُرائی بیدادی، زالبول نا اسمگلنگ و غیرت نا پن آ خون کون آ بیدادی نا چٹفنگ کن توار چست کروئی ئِ۔ نہ صرف شون ہلوک ملک آتیٹی بلکن شون ہلوک ملک آتیٹی ہم زالبول نہ صرف جسمانی بلکن ذہنی بیدادی نا ہم گواچی مریرہ ہراکہ بے کچ افسوزناک ئُ ہیت اسے ولے زالبول نا رکھ انا بابت شعور و آگاہی ودی کننگ نا سخت گرج ئِ انتئے کہ دا ہر زالبول نا حق ئِ کہ او تینا زی آ مروک آ ہروڑنا بیدادی و زیاتی نا برخلاف توار چست کے و انصاف دوئی کننگ کن عدالت نا درگہ اسکان ٹاکفینگ آ پاناد کپ و ڈوہدار ئِ سزا ترفے۔
