پشاور نا نواحی علاقہ بشیر آباد اٹی روڈ انا خڑک تخوک بمب انا دھماکہ، 3ایف سی کارندہ شہید

اسلام آباد۔ 22نومبر (اے پی پی) پشاور اٹی روڈ انا خڑک تخوک بمب انا ترخنگ اٹی 3سیکورٹی کارندہ شہید و 3بندغ ٹھپی مسنو۔ ایس ایس پی اعجاز احمد نا رداٹ سے شنبے نا سہب پشاور نا نواحی علاقہ بشیر آباد اٹی روڈ انا خڑک تخوک ریموٹ کنٹرول بمب انا ہمووخت آ زوردار دھماکہ مس ہراتم ایف سی نا گاڈی ہموکان گدرینگاکہ۔ دھماکہ ٹی 3کارندہ موقع غا شہید و 3بندغ ٹھپی مسنو۔ ریسکیو کمامدارآتارداٹ ٹھپی و لاش تے سی ایم ایچ آ گدریفنگانے۔ سیکورٹی کارندہ غاک علاقہ ئِ گھیڑ اٹی ہلسا جاست و پاست نا بنائِ کرینو۔