تحریک نا حق اٹی 6 و مخالفت اٹی 41باسک آک تینا رائے نا درشانی ئِ کریر
اسلام آباد۔ 22نومبر (اے پی پی) قومی اسمبلی ٹی باسک آک کثرت رائے آن قومی اسمبلی نا قواعد و ضوابط نا قاعدہ 48نا ذیلی قاعدہ 2اٹی ترمیم نا موکل تتوس۔ سے شنبے آ قومی اسمبلی ٹی ڈاکٹر فوزیہ حمید تحریک پیش کرے کہ قاعدہ 293نا ذیلی قاعدہ (4) نا رداٹ قومی اسمبلی نا قواعد و ضوابط نا قاعدہ 48نا ذیلی قاعدہ (2) اٹی ترمیم پیش کننگ نا موکل تننگے۔ دا ترمیم آن ایوان اٹی دیوان نا بناءآ قومی ترانہ ئِ خواننگ مریک۔ وزیر پارلیمانی امور شیخ آفتاب احمد پارے کہ قومی ترانہ مخصوص وارخواہی تیا ہی خواننگے تو جوان ئِ۔ ڈاکٹر فوزیہ حمید پارے کہ قومی ترانہ ئِ خواننگ آن حب الوطنی و جوزہ ودک۔ وزیر پارلیمانی امور شیخ آفتاب احمد پارے کہ داایوان بنجا پاکستان نا علامت ئِ۔ نن غٹ دا چھت انا کیرغ آن یکجااُن۔ فاضل باسک تحریک ئِ پدی ہلے۔ ڈاکٹر فوزیہ حمید تینا تحریک آ زورشاغا اوکان گڈ اسپیکر ایوان اٹی رائے شماری کرفے۔ تحریک نا حق اٹی 6و مخالفت اٹی 41باسک آک تینا رائے نا درشانی ئِ کریر۔ ہنداوڑ ترمیم ئِ پیش کننگ نا موکل تننگ تو۔
