اسلام آباد۔ 22نومبر (اے پی پی) معذور بندغ (ملازمت بحالی) (ترمیمی) بل 2014ءاسہ تواسے کن موخر کننگا۔ سے شنبے آ قومی اسمبلی ٹی طاہرہ اورنگزیب تحریک پیش کرے کہ معذور بندغ (ملازمت بحالی)(ترمیمی) بل 2014ءئِ زیر غور اتنگے۔ اسپیکر بل ئِ وزیر مملکت کیڈ انا بننگ اسکان موخر کرے۔ طاہرہ اورنگزیب نا پیش کردہ معذور بندغ (ملازمت بحالی) (ترمیمی) بل 2014ءنا بابت وزیر مملکت ڈاکٹر طارق فضل چوہدری پارے کہ داوڑنا ایلو پین بل ہم بسنے۔ نن دا بل تے یکجا کرسا وزیراعظم نا موکل آن اسہ بل اس جوڑ کننگ خوانہ۔ دابل ئِ وختی وڑاٹ موخر کننگے۔ طاہرہ اورنگزیب پارے کہ اوفتا ترمیم بایدے برے۔ بل ئِ پیش مننگ کن ہلے۔ ڈاکٹر طارق فضل چوہدری پارے کہ صاحبزادہ طارق اللہ و وزارت کیڈ نا داوڑنا بل مست آن ساڑی ئِ۔ ہر مسٹ آ بل آتے یکجا کرسا تننگے۔ طاہرہ اورنگزیب پارے کہ مسہ سال مست ہی تاخیر مسنے۔ ڈپٹی اسپیکرپارے کہ دا بل انا بابت اسہ توانا وخت ایتنہ۔ اوکان گڈ طاہرہ اورنگزیب تینا تحریک آ زور شاغتو۔
