اسلام آباد۔ 22نومبر (اے پی پی) پاکستان مسلم لیگ (ق) نا راہشون باسک قومی اسمبلی چوہدری پرویز الٰہی پارینے کہ آرمی چیف جنرل راحیل شریف بطور کمانڈر افواج پاکستان دہشت گردی نا برخلاف فیصلہ کن آپریشن ضرب عضب نا بنائِ کرے وخت اس کہ کراچی ٹی امن و ایمنی نا حالیت آتے بحال کننگ نا کریڈٹ ہم اودے ملک۔ سے شنبے آ پارلیمنٹ ہاﺅس نا پیشن میڈیا تون ہیت و گپ کرسا اوپارے کہ جنرل راحیل شریف نا خذمت آتے قوم ہمیشہ یات تخک۔ اوتینا مسہ سال انا دوراٹی پاکستان نا فوج انا کمانڈر نا وڑاٹ دہشت گردی نا برخلاف آپریشن ضرب عضب نا بنائِ کرے ہراڑآن ملک اٹی دہشت گردی نا نیٹ ورک ئِ پرغنگ اٹ کمک رسینگا و ملک آن دہشت گردی نا واقعہ غاتیٹی کمتی مس۔ اوپارے کہ کراچی ٹی ٹارگٹ کلنگ، برمتہ برائے تاوان تون اوار ایلو ڈوہ و امن و ایمنی نا حالیت آتے گچین کننگ نا کریڈٹ ہم جنرل راحیل شریفئِ ملک۔ کراچی آپریشن آن الس سکھ انا دم ہلک۔ اوپارے کہ کراچی ٹی امن وایمنی نا حالیت آک گچین مننگ آن اونا زئمک مچ آ ملک آ تمانو۔
