اسلام آباد۔ 22نومبر (اے پی پی) الیکشن کمیشن نا باسک آتا ریٹائرمنٹ نا بابت آئین نا آرٹیکل 218و 215ٹی ترمیم نا بل قائمہ کمیٹی گچین کاری اصلاحات اٹی شرہ ٹی اتنگ و محرک ئِ دیوان اٹی خوائفنگ آ قومی اسمبلی ٹی اتفاق مسنے۔ سے شنبے آ قومی اسمبلی ٹی محمد مزمل قریشی تحریک پیش کرے کہ دستور (ترمیمی ) بل 2016ءپیش کننگ نا موکل تننگے۔ بل انا غرض و مسخت آتے بیان کرسا پارے کہ آئین نا آرٹیکل 218 و 215 ٹی ترمیم نا کمک اٹ 45دے نا ٹائم فریم الیکشن کمیشن نا باسک آتا ریٹائر منٹ نا بابت آن ئِ۔ اسہ باسک اسے نا ریٹائرمنٹ آن کاریم سلک۔ ترمیم آن دا ویل ایسر مریک۔ وزیر کانود زاہد حامد پارے کہ گچین کاری اصلاحات اٹی نن دا ویل انا بھاز خوڑتی اٹ جاچ ئِ ہلنگ اُن۔ مزمل قریشی پارے کہ ننا دابل ئِ گچین کاری اصلاحات کمیٹی نا حوالہ کننگے۔ زاہد حامد پارے کہ بل ئِ پدی ہلنگے۔ ننا اونا سلاہ ئِ شرہ ٹی اتینہ، نن فاضل باسک ئِ دیوان اٹی مدعو کینہ، داکان گڈ محرک تحریک آ زورشاغتو۔
