اسلام آباد۔ 21نومبر (اے پی پی) پاکستان یو اے ای بزنس کونسل نا چیئرمین ڈاکٹر مرزا اختیار بیگ پارینے کہ چین پاکستان اقتصادی راہداری ڈٹ (سی پیک) نا پوروی آن نہ صرف پاکستان و چین نا نیام اٹ اقتصادی ، سیاسی و سفارتی رابطہ غاتا پوسکن آ دور انا بناءمریک بلکن ڈٹ آن مچ آ دنیا نا ملک آک مستفید مریرہ۔ تینا اسہ بیان اسے ٹی اوپارے کہ پاکستان و یو اے ای نا تین پہ تینی اقتصادی رابطہ بے کچ سوگو و بھلن ئُ۔ داوخت تقریباََ 4لکھ آن زیات پاکستانی متحدہ عرب امارات اٹی خذمت سرانجام تننگ ئُ و ہڑتوم آ ملک آتا شون و سوگوی و اقتصادی تعلقداری تے ودیکی تننگ اٹی کلیدی کڑد ادا کننگ ئُ۔ اوپارے کہ پاک یو اے ای ہڑتوم آ کنڈآتا واپار نا ساڑی آ کچ 9ارب ڈالر نا خڑک ئِ، ہراٹی پین ودکی نا کمک اٹ شون و شونہالی نا پوسکن آ کسرک ملنگرہ۔
