لاہور۔20 نومبر(اے پی پی )وزیر مملکت برائے اواھوالکاری ئُُ شنگ کاری مریم اورنگزین ئَ یک شمبے ئِ روچ ئَ کلانئیں اکسکار سید اظہر حسین جعفری ھُدا مرزی ئِ لوگ ئَ شُت ئُُ آئی ئِ ھاندان ئِ مردم آں گوں دلپدردی ئِ درشان کُت ۔ آئی ئَ ھُدا مرزی ئِ آکبت پہ ھیری ئَ نیکک دُعا ھم کُت۔ ھمے موہ ئَ مریم اورنگزیب ئَ ھال رسانکی در آں گوں تران کنان ئَ گوشت کہ آ مزن وزیر محمد نواز شریف ئِ گوشگ ئِ پد ئَ اِدا اتکگ چیا کہ حکومت ئَ ھُدا مرزی ئِ جان دُرائی ئِ بابت ئَ کمٹمنٹ کتگ بوتگ۔ آئی ئَ گوشت کہ ھُدا مرزی ئَ 35سال ئَ وتی شوبگ ئِ اِزمت کتگ۔ آئی ئَ جوانیں جوانیں اکس کشتگ۔ آئی ئَ گوشت کہ ما زوت ملک ئِ تہ ئَ آئی کشتگیں اکس آنی نماش ئَ کن آں۔ آئی ئِ ازم سلام کرز ایت ئُُ ما سلام ئِ پیش کن آں۔ آئی ئِ اکس آناں آرکائیو ئِ بھر جوڑ کن آں۔ وزیر ئِ مملکت ئَ گوشت کہ حکومت آئی ئِ ھاندان ئِ آیوکیں باندات ئِ ھاترا انچیں گامگیج کنگ لوٹیت کہ آئی ھاندان ئَ را نپ ئُُ سیت بہ رسیت۔
