اسلام آباد ۔ 20نومبر (اے پی پی) مزن وزیر محمد نواز شریف ئَ گوشتگ کہ اے مئے کانودی ئُُ راجی زمہ واری اِنت کہ ما زھگ آنی جوانیں آسراتی ئُُ رکھینگ ئِ ھاترا گامگیج بہ زور آں۔ زھگ آنی جوانی ئُُ سوبمندیں شہری مردم جوڑ کنگ ئِ ھاترا زھگ آنی ھک رسانی ئَ جوانی ئَ بکن آں۔ حکومت یک آزاتیں ئُُ وت واجہیں راجی کمیشن ئِ پہ زھگ آنی ھک رسانی ئَ جوڑ کنگی اِنت، حکومت ئَ اے درگت ئَ (دومی مٹ ئُُ بدلی 2016 )جوڑ کتگ۔ مزن وزیر محمد نواز شریف ئِ زھگ آنی میاں اوستمانی روچ ئِ درگت ئَ کلوہ ئِ تہ ئَ آئی گوشت کہ یو این کنونشن زھگ آنی ھک رسانی ئِ بُنیاتی رپک آں گوشیت گوں۔ آئی ئَ گوشت کہ ایش مئے زمہ واری اِنت کہ اے پڑ ئَ جوانیں گامگیج بہ زو آں چیا کہ آوانی وش ھالی مُلک ئُُ راج ئِ وشھالی اِنت، چاگرد ئِ وشھالی اِنت۔ آئی ئَ گوشت کہ اے وھد ئَ ملک گوں بازیں جیڈھ آں دیم پہ دیم اِنت بلے زھگ آنی چار ئُُ گزار المی ئُُ پرز اِنت ایش مارا پیلو کنگی اِنت۔ آئی ئَ چاگردی لس مردم ئُُ ئُُ این جی اوز، ئُُ است ئُُ مندیں مردم ، ئُُ میاں اوستمانی ئُُ کارپوریٹ سیکٹر ئِ مردم آناں گوشت کہ پاکستان ئَ را چائلڈ فرینڈلی ملک ئِ جوڑ کنگ ئَ دیم ئَ بیا اِتئُُ زھگ آنی ھک رسانی ئَ وتی گام گیج ئَ بکن اِت۔ آئی ئَ بُنجاھی ئُُ صوبائی وزیر ئُُ صوبائی حکومت آنی سر ئَ زور پر دات کہ آ زھگ آنی ھاترا جاور ھال آناں سارت بکن اَنت۔ آئی ئَ اقوام ئِ متحدہ ئِ ایجنسی ئُُ سرکار ئَ چہ درئیں گل آنی نیمگ ئَ چہ زھگ آنی جیڈھ آناں سُہرا کنگ ئِ کرد ئَ را ساڑات۔ آئی ئَ اُمیت سہرا کُت کہ مئے مشن جاڑی بیت۔
