جہانگیر بدر یک جوانیں سیاستدان ئِ بوتگ ئُُ وتی سیاسی ھلاپ ئِ مردم آں گوں پچیں روح ئَ مل اِتگ، آئی ئِ بیرانی ئَ چہ آئی ئِ جاھ ئَ کس پُر کُت نہ کنت
مزن وزیر ئِ ھال رسانکی در آں گوںتران
لاہور۔19 نومبر(اے پی پی ) مزن وزیر محمد نواز شریف یک شمبے ئِ روچ ئَ پاکستان پیپلز پارٹی ئِ رھشون ھدا مرزری جہانگیر بدر ئِ لوگ ئَ شتگ ئُُ آئی ھاندان ئِ مردم آں گوں دلپدردی ئِ درشان کتگ ئُُ ھُدا مرزی ئِ آکبت پہ ھیری ئَ دُعا ئِ نیک کتگ۔ آئی ئَ جہانگیر بدر ئِ لوگ ئِ مردم آں گوں تران کنان ئَ گوشت کہ ھُدا مرزی پارٹی ئِ واستہ یک ٹوھیں مڈی ئِ بوتگ آئی ئِ اِزمت آناں بہ بے ھیال کنگ نہ بیت۔ آئی ئِ بیرانی ئَ پد آئی جاھ ئَ کس بوت نہ کنت ، آئی جاھ مُدامیگیں واستہ ھورک ئُُ ھالیگ اِنت۔ آئی ئَ ھُدا ئَ گوں دُعا کُت کہ جہانگیر بدر آرا اللہ تعالیٰ وتی باگ ئُُ بہشت آنی تہئَ جاھ بدیات۔ آئی ئَ گوشت کہ ھُدا مرزی یک وش دیں مردم ئِ بوتگ آئی ئَ وتی ھلاپ ئِ پارٹی ئُُ مردم آنی گوما کدئی ھم کرچکیں پیشانی ئَ گند ئُُ نند نہ کتگ، آپ ساپ دل ئِ بوتگ۔ مزن وزیر ئَ گوشت کہ منا انچیں مردم دوست بیت۔ آئی ئَ گوشت کہ منا گوں آئی ئَ یکوئی باز دیر اِنت بوتگ ئُُ انشاءاللہ آئی چُک ئُُ پسائندگ آں گوں اے یکوئی بیت۔ آئی ئَ گوشت کہ ایش آئی باھند منی گوما یک پاد ئَ اوشتاتگ اَنت ئُُ ایشانی سُور ئَ من ھوار بوتگ آں۔ مزن وزیر محمد نواز شریف ئَ گوشت کہ اے وڑیں سیاست دان باز کم اِنت اگاں اے پیم ایں مردم اے پڑ ئَ بہ بیت آ پاکستان ئِ سیاست ئِ نکشہ ئَ مٹ کن اَنت۔
