اسلام آباد۔ 18نومبر (اے پی پی) چیئرمین سینیٹ میاں رضاربانی عوامی نیشنل پارٹی نا سینئر نائب صدر و سینیٹ اٹی اے این پی نا مسکوہی پارلیمانی راہشون حاجی محمد عدیل نا کذیت آ ڈکھ و غم نا درشانی ئِ کرینے۔ جمعہ آ تینا ہڑزخواہی بیان اٹی میاں رضا ربانی پارے کہ حاجی محمد عدیل نا جمہوریت کن خذمت آک ناقابل فراموش ئُ۔ ایماندار حاجی محمد عدیل جوان ئُ سیاست دان اس ئس ہرامچ آ زند جمہوریت نا سوگوی کن جہد کرے۔ ایماندار آئین نا بالادستی کن ہم توار چست کرے۔ اوپاریر کہ اونا کذیت آ ن پاکستان اسہ گچین ئُ سیاست دان اسے آن محروم مسنے۔ میاں رضاربانی ایماندار نا خاہوت تون ہڑزخواہی کرسا ایماندار نا درجہ غاتا بڑزی و خاہوت ئِ داصدمہ ئِ برداشت کننگ نا صبر عطاءفرمائفے۔ سینیٹ نا ڈپٹی چیئرمین مولانا عبدالغفور حیدری ، سینیٹ اٹی قائد ایوان راجہ محمد ظفرالحق ، سینیٹ اٹی قائد حزب اختلاف اعتزاز احسن ہم حاجی محمد عدیل نا کذیت آ ہڑزخواہی نا درشانی ئِ کرسا خاہوت تون ہمدردی نا درشانی ئِ کرے۔ اوپارے کہ ملک اٹی جمہوریت کن خذمت آتیٹی ایماندار حاجی عدیل نا پن نمان ہند اس تخک۔ اللہ تعالیٰ ایماندار نا درجہ غاتا بڑزی و خاہوت ئِ صبر کننگ نا توفیق عطاءفرمائفے۔
