اسلام آباد۔ 18نومبر (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام تیٹی کابینہ ڈویژن نا شونداری ڈٹ آتے کن جم وڑاٹ 20کروڑ 83لکھ روپئی آن زیات نا فنڈ جاری کرینے۔ حکومت اینخو مالی سال انا وخت کابینہ ڈویژن نا شونداری ڈٹ آتے کن 36کروڑ 93لکھ روپئی آن زیات فنڈ جتاکرینے۔ پلاننگ کمیشن نا جاری کروک حساب وکتاب نا رداٹ حکومت 6ایوی ایشن سکوارڈن کن 3کروڑ 43لکھ، اسلام آباد اٹی ایوی ایشن سکوارڈن نا اپ گریڈیشن کن 13کروڑ 83لکھ، نیشنل آرکاٹیوز پاکستان کن 93لکھ روپئی تون اوار کیہی شونداری ڈٹ آتے کن فنڈ جاری کرینے۔
