اسلام آباد۔ 18نومبر (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام آتیٹی کیڈ ڈویژن نا شونداری ڈٹ آتے کن جم وڑاٹ 71کروڑ 67لکھ روپئی آن زیات نا فنڈ جاری کرینے۔ حکومت اینخو مالی سال نا وخت داڈویژن نا شونداری کاریم تے کن 2ارب 56کروڑ 22لکھ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت پارلیمنٹ نا باسک و 500 سرونٹ کوارٹر نا جوڑ جاڑ کن 50کروڑ، پاک سیکرٹریٹ اٹی مسیت نا اپ گریڈیشن کن 4کروڑ 14لکھ ، کالج آف اکنامکس کن 5کروڑ 88لکھ، اسلام آباد اٹی پرائم منسٹر ایجوکیشن ریفارم کن اسہ کروڑ 35لکھ روپئی تون اوار کیہی شونداری ڈٹ آتے کن فنڈ جاری کرینے۔
