اسلام آباد۔ 15نومبر (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام اٹی بنجائی حکومت نا خصوصی پروگرام تے کن جم وڑاٹ 65ارب 57کروڑ 40لکھ روپئی آن زیات نا فنڈ جاری کرینے۔ حکومت اینخو مالی سال کن بجٹ اٹی دا مد اکن اسہ کھرب 99 ارب 66کروڑ روپئی آن زیات نا فنڈ جتا کرینے۔ حکومت پائیدار شونداری ہدف آتے کن 20 ارب ، پرائم منسٹر یوتھ ہنر مند پروگرام کن اسہ ارب 41کروڑ روپئی، عارضی وڑاٹ بے اُرا مروک آ بندغ آتا بحالی کن 42ارب 56کروڑ 20لکھ و ایرا کن اسہ ارب 93کروڑ روپئی نا فنڈ جاری کرینے۔
