اسلام آباد۔ 15نومبر (اے پی پی) وزارت ڈٹ بندی و شونداری اینخو مالی سال نا سرکاری بشخ انا شونداری پروگرام اٹی دیر و بجلی ڈویژن نا شونداری ڈٹ آتے کن جم وڑاٹ 10ارب 64کروڑ روپئی آن زیات نا فنڈجاری کرینے، حکومت اینخو مالی سال نا وخت دا ڈویژن نا شونداری ڈٹ آتے کن اسہ کھرب 61ارب 71کروڑ 63لکھ روپئی آن زیات نا فنڈ جتا کرینے۔ پلاننگ کمیشن نا برجاءکروک حساب وکتاب نا رداٹ حکومت گوادر پورٹ اٹی 132کے وی سب سٹیشن کن مسہ کروڑ، بلوچستان اٹی چنکا ڈیم تا جوڑ جاڑ کن 20کروڑ روپئی، گوادر اٹی بسول ڈیم اکن 14کروڑ روپئی، سندھ اٹی چنکا ڈیم تا جوڑ جاڑ کن 20کروڑ روپئی، کچھی کینال پروجیکٹ کن اسہ ارب روپئی، کرم تنگی ڈیم اکن شش کروڑ روپئی، تھر اٹی مکھی فراش لنک کنال پروجیکٹ کن 22کروڑ روپئی، پوسکن آ کچ ڈیم دادوکن 60کروڑ روپئی ، منگلہ ڈیم ریزنگ پروجیکٹ کن 20کروڑ روپئی، گوادر اٹی شادی خوڑ ڈیم انا پوسکن جوڑجاڑ کن 16کروڑ روپئی، رینی کینال کن 10کروڑ روپئی و ورسک کینال کن 18کروڑ روپئی تون اوار کیہی شونداری ڈٹ آتے کن فنڈ جاری کرینے۔
