اسلام آباد۔ 15نومبر (اے پی پی) بنجائی وزیر ریلوے خواجہ سعد رفیق پارینے کہ عدالتی فیصلہ نا غٹ ئِ انتظار ئِ ۔ سپریم کورٹ نا پیشن میڈیا تون ہیت وگپ کرسا اوپارے کہ عدالت اٹی زیر سماعت مقدمہ غا تران آن بایدے پاناد کننگے۔ اوپارے کہ مخالف آتا سیاست دروغ آمبنی ئِ۔ ایلوفتا جلسہ غاتیٹی ہنوک آک ہراتم تینا جلسہ کن کال تسر تو صرف چار بندغ اوفتے تون اوار ئسر۔ پاکستانی الس اونا سیاست نا زہمی ئُ ۔ اللہ تعالیٰ آن دعا کینہ کہ او مخالف آتے ہدایت کے۔ وزیر ریلوے پارے کہ جلن و حسد نا درمان تو حکیم لقمان تون ہم ہلو۔ اوپارے کہ وزیراعظم محمد نواز شریف پاکستانی و پاکستانی تا شونداری آ باور کیک و اونا سروکی ٹی ملکی شونداری نا سفر برجاسلک۔
