اسلام آباد ۔ 15نومبر (اے پی پی) وزیر دفاع خواجہ محمد آصف پارینے کہ تحریک انصاف نا کنڈآن بلندوبالا داواک دروغ انا پلندہ ثابت مرسا الس نا مون آ بسنو، پانامہ کیس آ عدالت عظمیٰ غان انصاف ملک و دا الس نا فتح مریک۔ پی ٹی وی نا رداٹ دوشنبے آ پاناما پیپرز نا بابت عدالت عظمیٰ ٹی سماعت آن گڈمیڈیا تون ہیت وگپ کرسا اوپارے کہ پاناما کیس پدریسہ مون آ ہِننگ ئِ ۔ وزیر دفاع پارے کہ پاکستان تحریک انصاف نا کنڈآن ہرابلندوبالا داواکننگاسس او دروغ نا پلندہ ثابت مرسا الس نا مون آ بسنو۔ اوپارے کہ پاناماکیس انا بابت وزیراعظم محمد نواز شریف پارلیمنٹ و ہرفورم آ تینے احتساب کن پیش کرینے، اللہ تعالیٰ نا شکر ئِ کہ کیس انا باقاعدہ سماعت نا بناءمسنے و ہڑتوم آ کڑدہ غاک عدالت عظمیٰ نا مون آٹی ئُ۔ وزیر دفاع اومیت نا درشانی ئِ کرسا پارے کہ ننے داکان مست کیس تیٹی ہم عدالت آن انصاف ملانے ، پین وخت اس ہم انصاف ملک و دا الس نا فتح مریک۔
