اسلام آباد۔ 15نومبر (اے پی پی) پاکستان مسلم لیگ (ن) نا راہشون و وزیر مملکت دیر و بجلی عابد شیرعلی پارینے کہ پاکستان تحریک انصاف تون ہوغنگ آن بیدس پین ہچ اس اف، پاکستان تحریک انصاف تون شاہدی ارے تو عدالت عظمیٰ ٹی پیش کے تا۔ سے شنبے آ اسلام آباد اٹی سپریم کورٹ نا پیشن نجی ٹی وی تون ہیت وگپ کرسا اوپارے کہ پاناما لیکس نا بابت سپریم کورٹ اٹی دستاویزات جمع کرفنگ نا اینو آخریکو تاریخ ئس و وزیراعظم محمد نواز شریف نا چناتا کنڈآن غٹ شاہدی تے داخل کرفنگانے۔ وکیل بدل کننگ نا بابت چست کروک آ سوج انا ورندی ئِ ترسا عابد شیرعلی پارے کہ وکیل بدل کننگ کڑدہ غاتا حق ئِ اوفتے آن داحق ئِ پلنگ مفک۔ اومستی پارے کہ پاکستان تحریک انصاف تون ہوغنگ آن بیدس پین ہچ اس اف۔ اگہ اوڑتون شاہدی ارے تو اوفتے عدالت عظمیٰ ٹی پیش کے تا۔
