کراچی۔ 14نومبر (اے پی پی) پاکستان پیپلزپارٹی نا چیئرمین بلاول بھٹو زرداری پارٹی نا سینئر راہشون جہانگیر بدر نا کذیت آ بے کچ ڈکھ و افسوزنادرشانی ئِ کرینے۔ بلاول ہاﺅس آن جاری بیان اٹی پاننگانے کہ پاکستان پیپلزپارٹی نا چیئرمین جہانگیر بدر نا کذیت آ پارٹی نا غٹ اختہ ہی تے ملتوی کننگ و مسہ دے ئی ماتن نا پڑو ئِ کرینے۔ بلاول بھٹو زرداری سوشل میڈیا آ تینا ٹوئیٹ اٹی پارے کہ ای جہانگیر بدر نا کذیت نا بنگٹ تو کنے بھاز افسوز مس کنے دُن خبر الو کہ کنے دا سفر ئِ نے آن بیدس کروئی تمک۔ بلاول بھٹو زرداری پارے کہ جہانگیر بدر اسہ گچین ئُ جیالہ اس ئس ہرامارشل لاءنا برخلاف جنگ کرے و قیدوبندنا سزاتے برداشت کرے ولے تینا کاٹم ئِ شیف توتو۔ بلاول پڑ و کرے کہ جہانگیر بدر نا اناگت کذیت آ پارٹی مچ آ ملک اٹی مسہ دے ئی ماتن کیک۔ اوایماندار ناخاہوت و غٹ جیالہ غاتون ہمدردی نا درشانی ئِ کرسا پارے کہ جہانگیر بدرپارٹی نا اسہ نڈر راہشون و باہمت کارندہ اس ئس اونا خذمت آتے ہمیشہ یات تخنگک۔
