اسلام آباد ۔ 23 اپریل (اے پی پی) صدر مملکت ممنون حسین ئَ گوشت کہحکومت بلوچستانئِ دیمروئی ئُُ وشحالی ئِ ھاترا جزم دار انت،بلوچستانئَ را دگہ صوبہانی بروبر آرگ ھاترا ہچ کسر یلہ مہ دنت،میگا ڈویلپمنٹ پراجیکٹس صوبہا ئِ دیمروئی ئُُ وشحالی ئَ حاصیں کردمان کرت کنگ بیت ، مستریں دیمروئی منصوبگ بالخصوص پاک چین اقتصادی راہداری (سی پیک) بلوچستانئِ دیمروئی ئُُ وشحالی ئَ حاص ارزشت دار انت۔ صدر مملکت ئَ اے حیالانی درشان گورنر بلوچستان محمد خان اچکزئیئَ گوں گپ ئُُ تران کنان ئَ گوشتگ آہاں جمعہئَ ادا ایوان صدر ئَ گند ئُُ نند کرتگ۔ گورنر بلوچستان ئَ صدر مملکت ئَ را بلوچستانئِ سرجم جاور ئَ سرپدی داتگئُُ آہان سرپد کرتگ کہ صوبہ ئَ امن ئُُ ایمنی ئَ را سوگو دارگ ئُِ ھاترا کوشستاں کارمرد کنگ بوھگ انت۔ صدر ممنون حسینئَ گوشت کہ سی پیکئِ ردا گوادر پورٹئُُ گوادر بالی پٹ جوڈ کنگ بوھگ انت ایشی ئَ چہ بلوچستانئِ اُلس ئِ ھاترا روزگار ئِ باز موہ ودی بوھنت ئُُ آہانی زند ئِ معیار برز بیت۔اے موہ ئَ گورنر ئَ صدر مملکت ئَ را صوبہ ئَ جاڑی لہتیں منصوبگ آنی باروا سرپدی داتگ۔