نیویارک۔ 22اپریل ( اے پی پی) بنجاہی وزیر داخلہ چوہدری نثار علی کان ئَ سری لنکا ئِ وزیر داخلہ سگا لار تنا نائیکے ئَ پاکستان ئِ تر ئُُ تاب ئِ دعوت داتگ انت۔ سری لنکن وزیر داخلہ ئِ تر ئُُ تاب ئِ مکسد دوئیں ملک آں یکجا تعلق ئَ دِگہ سوگو جوڑ کنگی انت۔ پاکستان ئُُ سری لنکا ئِ وزیر داخلہ ئِ ھاسیں گندئُُ نند اقوام متحدہ ئِ جنرل اسمبلی ئِ ھاسیں دیوان ئِ موہ ئَ بوتگ۔ اے دیوان دگنیا ئَ منشیات ئِ جرائم ئِ ھلاسی ئِ ھاتر ئَ میاں استمانی حکمت عملی وضع کنگ ئِ ھاتر ئَ لوٹت انت۔ دیوان ئَ پاکستان ئِ نمائندگی وزیر داخلہ چوہدری نثار علی خان ئِ سروکی ئَ یک ہفت باسکی ٹولہ ئَ کرتگ ۔ ٓائی ئَ اقوام متحدہ ئَ پاکستان ئِ ھاسیں مندوب ڈاکٹر ملیحہ لودھی، بنجاہی سیکرٹری انسداد منشیات ڈویژن اعجاز علی شاہ، ڈائریکٹر جنرل انٹی نار کو ٹکس فورس میجر جنرل ناصر دلاور ئُُ دومی ھوار انت۔ اقوام متحدہ ئَ پاکستان مشن ئِ نیمگ ئَ برجاہ بیان ئِ ردا سری لنکن وزیر داخلہ ئَ چوہدری نثار علی خان ئِ گوں وتی گند ئُُ نندئِ وھد ئَ آھاں سری لنکن حکومت ئِ نیمگ ئَ پاکستان ئِ ھاتر ئَ نیک تمنا آنی کلہو داتگ ئُُ دوئیں ملک آنی نیام ئَ براتی تعلق ئِ دیمروی ئِ سرا زور دات انت ۔ اقوام متحدہ ئِ جنرل اسمبلی ئِ اے ھاسیں دیوان ئَ تقریر کنگ ئَ بنجاہی وزیر داخلہ چوہدری نثار علی خان ئَ منشیات ئِ ھلاسی ئِ ھاتر ئَ پاکستان ئِ حکمت عملی ئِ باروا پالیسی بیان داتگ ئُُ ٹولہ ئِ دومی باسک آں دومی میاں استمانی ٹولہ ئَ اے موضوع ئِ سرا ھاسیں گند ئُُ نند کرتگ۔

متعلقہ مضامینمصنف کی طرف سے مزید