چین ءَ پاکستان ءِ نامینتگیں سفیر علی اسد گیلا نی  ءَ گوں نائب مزن وزیر ءُ دری کارانی وزیر سینیٹر  محمد اسحاق ڈار ءَ گند ءُ نند

اسلام آباد۔12ستمبر  (اے پی پی): نائب مزن وزیر ءُ دری کارانی وزیر سینیٹر  محمد اسحاق ڈار ءَ چین ءِ گوما شریکداری ءَ را گیش مھکم ءُ گہتر کنگ ءِ سر ءَ زور پر دات ءُ تجارت ءُ سرمایہ کاری، دمگی سیادی، سی پیک، سائنس ءُ زراعت ءَ ھوار جتا جتائیں شوبگ آنی تہ ءَ ابدمانیں اسٹریٹجک کمک ءِ سر ءَ زور پر دات۔ شمبے ءِ روچ ءَ درئی کارانی کارگس ءِ نیمگ ءَ جاڑی بوتگیں بیان ءِ رد ءَ چین ءَ پاکستان ءِ نامینتگیں سفیر علی اسد گیلانی  ءَ نائب مزن وزیر ءُ درئی کارانی وزیر محمد اسحاق ڈار ءَ گوں گند ءُ نند کتگ۔ نائب مزن وزیر ءُ وزیر ءِ درئی کار ءَ علی اسد گیلانی  ءَ را چین ءِ سفیر ءِ بستار ءَ گچین کنگ ءِ سر ءَ مبارک بات دات ءُ اے گپ ءِ سر ءَ زور پر دات کہ پاکستان چین ءِ گوما وتی دیریں ءُ آزمائشی سیادی آناں ھاسیں ارزشت ءَ دنت۔ آئی ءَ تجارت ءُ سرمایہ کاری، دمگی سیادی، دفاع، کشت ءُ کشاری، سائنس ءُ ٹیکنالوجی، وانگ ءُ زانگ ءُ مردم آنی نیام ءَ رابطہ ءَ ھوار جتا جتائیں پڑ آنی تہ ءَ آہنی براتی ءِ بنیات ءَ شریکداری ءَ را گیش مھکم ءُ گہتر کنگ ءِ ارزشت ءِ سر ءَ زور پر دات۔ نائب مزن وزیر ءُ وزیر ءِ درئی کار ءَ نامینتگیں سفیر علی اسد گلانی ءِ ازمت آناں ساڑاتگ ءِ ساھت ءَ دل یکیمی ءِ درشان کت کہ آئی ءِ تجربگ پاکستان ءُ چین ءِ نیام ءَ دیریں شریکداری ءَ را گیش مھکم کنگ ءَ کمک کنت۔ آہاں وتی نوکیں ذمہ واری آنی واستہ نیکیں واھگ آنی درشان کت۔