صدر ءِ انوگیں نجی تر ءُ تاب ڈن  ملک ءَ سرجم ءَ آئی ءِ وتی ھرچ ءُ درچ ءَ بوتگ، جارکش، ترجمان صدر مملکت

اسلام آباد۔12ستمبر  (اے پی پی): صدر آصف علی زرداری ءِ ڈن  ملک ءِ گوستگیں نجی تر ءُ تاب ءِ بابت ءَ میڈیا ءِ یک بہرے ءَ شنگ بوتگیں ھال آنی پد ءَ صدر ءِ جارکش ءَ اے گپ پدر کتگ کہ اے تر ءُ تاب سرجم ءَ نجی بوتگ ءُ ایشی ءَ گوں سیادی داروکیں درستیں ھرچ ءُ درچ صدر آصف علی زرداری ءَ ذاتی رنگ ءَ داتگ اَنت۔ صدارتی ایوان ءِ میڈیا ونگ ءِ نیمگ ءَ جاڑی بوتگیں بیان ءِ تہ ءَ گوشگ بوتگ کہ صدر ءِ مملکت ءَ اے تر ءُ تاب ءِ واستہ زاتی  رنگ ءَ چارٹر   کتگ۔ اے تر ءُ تاب ءِ گوں سیادی داروکیں درستیں ھرچ ءُ درچ ، ایشانی تہ ءَ کارندہ ، پارکنگ ءُ دگہ ھمگرنچیں ھرچ ءُ درچ صدر ءَ وت داتگ اَنت ۔