وفاقی داخلہ ءِ وزیر ءَ شہادت ءِ روچ ءَ میجر راجہ عزیز بھٹی شہید نشان حیدر  ءَ را  توسیپ  ءُ ستا

اسلام آباد۔12ستمبر  (اے پی پی): وفاقی تہی کارانی وزیر محسن نقوی ءَ شہادت ءِ روچ ءَ میجر راجہ عزیز بھٹی شہید نشان حیدر ءَ را شگر ءُ منت پیش کنان ءَ گوشت کہ بہادری ءِ ابدی مثال میجر راجہ عزیز بھٹی شہید ءَ وتی ھون ءَ گوں قربانی ءِ مزنیں کسہ جوڑ کتگ۔ وزارت داخلہ ءِ نیمگ ءَ چہ جاڑی بوتگیں بیان ءِ تہ ءَ محسن نقوی ءَ گوشت کہ مجر عزیز بھٹی شہید دلیری، بہادری ءُ راج دوستی ءِ یک رژنائیں بابے، مجر عزیز بھٹی شہید ءَ بی آر بی نہر ءِ سر ءَ دژمن ءِ دیمروئی  ءَ را بند کتگ ءُ آئی ءِ شان ءُ شانت ءَ را کچل داتگ۔ وزیر داخلہ ءَ گوشت کہ 1965 ءِ جنگ ءَ میجر عزیز بھٹی شہید ءَ وتی جان ءِ قربان کنگ ءَ لاہور ءِ دفاع ناقابل شکست کتگ۔ محسن نقوی  ءَ گوشت کہ میجر راجہ عزیز بھٹی شہید آئی ءِ بہادریں زھگ راج ءِ شان ءُ تاج انت، راج ءِ شان ءُ تاج انت۔ آئی ءَ گوشت کہ پاکیں سرڈگار ءِ پاکی ءِ واستہ وتی سر ندر کرتگیں شہید آنی قربانی راجدپتر ءِ زرین باب انت۔ محسن نقوی ءَ گوشت کہ اعداد ءِ رد ءَ مزنیں دژمن ءِ دیم ءَ میجر  عزیز بھٹی شاہی ءِ مردانہ جرات پہ ابد یات کنگ بیت۔ وزیر داخلہ ءَ گوشت کہ شہید آنی شرپ مندیں ھون ملک ءِ ایمنی، بقا ءُ وت واجہی ءِ حقیقی ضمانت انت۔ مجرت راجہ عزیز بھٹی شہید  ءِ ابدمانیں قربانی راج ءِ دلانی تہا مدام زندگ مانیت۔