واشنگٹن۔ 25 ستمبر (اے پی پی) امریکا ئِ اولی سیاھیں صدر ئَ پکوئیں رنگے ئَ ملک ئِ اولی افریقن امریکن میوزیم ئِ بُنگیج کُت۔ برطانوی ھال رسانکی کارگس ئِ رد ئَ صدر براک اوباما ئَ واشنگٹن ڈی سی ئَ اے میوزیم ئَ را آزاتی ئِ ھاترا کتگیں یکجائی سپر گوشتگ۔ 54کروڈ ڈالر ئِ ھرچ ئُُ درچ ئَ تیار بوھوکیں اے میوزیم واشنگٹن ڈی سی ئِ نیشنل مال ئِ تہ ئَ اِنت۔ ایشرا برطانوی جوٹیشت کار ڈیوڈایڈ جے ئَ ڈیزائن کتگ۔ اے موہ ئِ سر ئَ صدر جارج ڈبلیو بش ھم ساڑی اَت، آئی ئَ 2003ئَ ایشی ئِ جوڑیشت کنگ ئِ ھاترا کاگد آنی سر ئَ دست چنگل جتگ اَت۔ بُنگیجی مراگش ئَ اوباما ئَ افریقی مردم آں امریکی آناں زور پردات کہ اِدا بیا اِت ئُُ وتی راجدپتر ئِ طاقت ئَ بچار اِت۔
