اسلام آباد ۔ 22 اگست (اے پی پی) یمن ئِ پیسریگیں صدر علی عبداللہ صالح ئَ گوشتگ کہ یمن ئَ اِستیں نگران کونسل ناشرکاری ئِ گر ئُُ دار ئِ ھاترا روس ئِ کمک ئَ زُرت کنت۔ عبداللہ صالح ئَ گوشت کہ اے مکسد ئِ ھاترا روس ئَ ر یمنی فوجی اڈہ آنی کارمردی ئِ موہ دیگ بیت کنت۔ عبداللہ صالح وتی دور ئِ حکومت ئَ امریکہ ئِ نزیکیں دوست ئِ بوتگ، پدا ھم 2011ئِ سال ئَ اُلسی ڈاھ ئُُ شور ئَ چہ پد ایشرا وتی صدری یل کنگ کپت۔ یک روسی ٹی وی چینلے ئَ گوں تران کنان ئَ علی عبداللہ ئَ گوشت کہ نگران کونسل روس ئِ بالی ئُُ آپی فوجی اڈھ آں تاں رسائی دیگ ئَ تیار اِنت۔ یات دارگ بہ بیت کہ علی عبداللہ صالح ئِ منوک ایران ئِ حوثءباگی آنی گوما ھوار ی ئَ یمن ئِ یک پراھ ئُُ شاھیگانی دمگ ئِ کنٹرول ئَ اِنت۔
