پشاور۔ 20 اگست (اے پی پی) پاک فوج ئَ خیبر ایجنسی ئِ کوھے توک راجگال ئَ یک شمبے ئِ روچ ئَ زمینی ئُُ بالی کارروائی ئِ ساھت ئَ 9 ناشرکار کوشتگ ئُُ 4ٹپیگ کتگ۔ وھدیکہ پاک فضائیہ ئِ جیٹ بالیگ آں ناشرکار آنی وتاس آنی یک گودامے ئَ ھوار 6لوگ تباہ کتگ۔پاک اُرد ئِ نیمگ ئَ چہ جاڑیگ ایں III آپریشن ئِ ساھت ئَ استیں بالی ئُُ زمینی آپریشن ئَ چہ پد بیران بوتگیں ناشرکار آنی کساس 36 وھدیکہ 15ناشرکار ٹپیگ کنگ بوتگ۔ آئی ایس پی آر ئِ نیمگ ئَ چہ جاڑی بوتگیں پریس ریلیز ئِ رد ئَ اوگان سیم سر ئِ نزیک ئَ بُرزیں کوھ آنی تہ ناشرکار آنی 6ٹپگ ئِ جاھ تباھ کنگ بوتگ ئُُ ایشی ئِ تہ ئَ بالی جنگی بالیگ آں بھر زُرتگ ئُُ چریشی ئَ 9ناشرکار کوشگ ئُُ 4ٹپیگ کنگ بوتگ۔ آئی ایس پی آر ئِ داتگیں ھال آنی رد دئَ جنگی بالیگ آں ابید زمینی آپریشن ھم کنگ بوتگ۔ اے فوجی کاروائی بابر کچکول ئِ کوھ آنی تہ ئَ نارے ناﺅ ئُُ تور سپرے ئِ دمگ ئَ کنگ بوتگ۔ خیبر ایجنسی ئَ تیراہ وادی ئَ ناشرکاری ئِ آماچیں مستریں دمگ زانگ بوتگ ایشرا پیسریگیں آپریشن ئَ ساپ ئُُ سلہ کنگ بوتگ۔ آئی ایس پی آر ئِ نیمگ ئَ جاڑی بوتگیں پریس ریلیز ئِ تہ ئَ گوشگ بوتگ کہ آپریشن خیبر III گوستگیں سئے شمبے ئَ بندات کنگ بوتگ۔
